Jetisý turǵyny shetelge ketkeni úshin zeınetaqysynan qaǵylǵan
ASTANA. KAZINFORM — Shetelge ketkeni úshin Jetisý oblysy Kóksý aýdany turǵynynyń zeınetaqy tólemderi toqtatylǵan. Prokýratýra aralasqannan keıin tólemder qaıta bastalyp, oǵan 2,3 mln teńgeden astam qarajat esepteldi.
Jetisý oblysynyń prokýratýrasy Qazaqstan azamattyǵyn saqtap, shetelge ketken azamattardyń zeınetaqy quqyqtaryn qorǵaý boıynsha jumys júrgizip jatyr.
Prokýratýranyń aralasýynan keıin Kóksý aýdanynyń turǵynyna elden tys jerge ketkenine baılanysty toqtatylǵan zeınetaqy tólemderi qaıta taǵaıyndaldy.
— Tólemder 2023 jylǵy 1 shildeden bastap qaıta bastaldy. Al tólem toqtatylǵan kezeń úshin azamatqa 2,3 mln teńgeden astam qarajat esepteldi. Bul jumys Qazaqstan Respýblıkasy Konstıtýtsııalyq Sotynyń № 79 normatıvtik qaýlysynda kórsetilgen quqyqtyq ustanymdy eskere otyryp júrgizilgen, — delingen habarlamada.
Qaýlyǵa sáıkes, Qazaqstan azamaty zańda belgilengen ózge talaptardy saqtaǵan jaǵdaıda, memlekettik bazalyq jáne jasyna baılanysty zeınetaqy tólemderin alý úshin el aýmaǵynda turaqty turýy mindetti emes.
Budan buryn qazaqstandyqtar baspana máselesin sheshý úshin zeınetaqy tólemderinen 27,5 mlrd teńge jumsaǵanyn jazǵanbyz.
