Jetisý sportshylary bıyl 1760 medal jeńip aldy

Jyl qorytyndysy boıynsha Jetisý oblysynyń sportshylary barlyq deńgeıdegi jarystarda 1760 júldeli oryndy jeńip alǵan. Onyń 602 altyn,  605  kúmis jáne 553 qola medal bar, dep habarlaıdy Kazinform. 

Jetisý oblysynda dene shynyqtyrý-saýyqtyrý keshenderiniń jumysy jandandy. Qazir óńirdiń 5 aýdanynda arnaıy ortalyqtar jumys isteıdi. Bul qatarda Panfılov aýdanynyń Jarkent qalasyndaǵy, Alakól aýdanynyń Úsharal qalasyndaǵy, Kóksý aýdanynyń Balpyq bı aýylyndaǵy, Eskeldi aýdanynyń Qarabulaq aýyly jáne Aqsý aýdanynyń Jansúgirov aýylyndaǵy kásibı sport keshenderi bar.

«Oblysta jyl basynan beri 5 halyqaralyq, 32 respýblıkalyq, 129 oblystyq, 120 aýdandyq (qalalyq) týrnır, aýyldyq jerlerde 384 is-shara ótkizildi. Bıyl 17 halyqaralyq dárejedegi sport sheberi, 103 sport sheberi, 726 sport sheberine kandıdat jáne 287 birinshi sporttyq razrıadty sportshy daıyndaldy», - deıdi oblystyq Dene shynyqtyrý jáne sport basqarmasynyń Olımpıadalyq sport túrleri, sport rezervi jáne memlekettik qyzmetter bóliminiń basshysy Saıat Sarqytov.

Búginde oblysta 25 sport mektebi, onyń ishinde 8 olımpıadalyq rezerv mekemesi bar. Munda 49 sport túri boıynsha 22 myńnan astam sportshy jattyǵady. Onyń ishinde 28 olımpıadalyq jáne 21 olımpıadalyq emes sport túrlerimen aınalysady. Sondaı-aq akkredıttelgen 50 sport federatsııasy men 5 sport klýby jumys istep tur.