Jetisý polıtsııasy qyz zorlady degen kúdikpen ustalǵan tártip saqshysyna qatysty túsinik berdi

Buǵan deıin Taldyqorǵan qalasy ishki ister basqarmasynyń laýazymdy basshylarynyń biri zorlyq baby boıynsha kúdikti dep tanylǵanyn jazǵanbyz.

Resmı organ máselege oraı málimdeme jasady, dep habarlaıdy Kazinform.

Jetisý oblystyq Polıtsııa departamentiniń basshysy Atyǵaı Arystanovtyń aıtýynsha, «Qyz zorlaý» baby boıynsha Taldyqorǵan qalalyq polıtsııa basqarmasynyń basshysy ustalyp, qamalǵan. Qazir zerdeleý jumystary júrgizilip, tıisti saraptama taǵaıyndalǵan.

- Qylmystyq kodekstiń 120 baby, 2-bóligi boıynsha Taldyqorǵan qalalyq polıtsııa basqarmasynyń basshysy kúdikti dep tanylyp, ýaqytsha ustaý mekemesine qamaldy. Tergeý jalǵasýda. Іs Іshki ister mınıstriniń tikeleı baqylaýynda, - dedi Jetisý oblysy Polıtsııa departamentiniń basshysy Atyǵaı Arystanov.