«Jetisý» óz alańynda «Shahterdi» utty

ASTANA. KAZINFORM — Fýtboldan Qazaqstan chempıonatynyń 5-týrynda sońǵy matchta «Jetisý» (Taldyqorǵan) óz alańynda Qaraǵandynyń «Shahter» komandasyn qabyldady.

Taldyqorǵandyqtar oıyn tizginin birden qolyna alyp, basymdyqqa ıe boldy.

Birinshi taımnyń sońǵy mınýtynda komanda kapıtany Serikjan Mýjıkov 11 metrlik aıyp dobyn dál oryndady — 1:0.

Ekinshi kezeńde qaraǵandylyqtar esepti ózgertýge tyrysqanymen, odan eshteńe shyqqan joq.

Bes týrdan keıin 7 upaı jınaǵan «Jetisý» 8-orynǵa kóterildi.

Nebári úsh upaıy bar «Shahter» 12-satyda, qaýipti aımaqta qaldy.

Altynshy týr oıyndary 27-28 sáýirde ótedi.

Eske sala keteıik, budan buryn fýtboldan el chempıonatynda «Qaıratty» utqan «Aqtóbeniń» kósh basyna shyqqanyn jazǵan bolatynbyz. 

Búgin «Astana» men «Tobyl» komandalary teń tarqasty.