Jetisý óńirinde oqý-jattyǵý kezinde áskerı qyzmetker qaza tapty

ASTANA.KAZINFORM — Jetisý garnızonynda ornalasqan desanttyq-shabýyldaýshy áskerler bólimsheciniń birinde kezekti jaýyngerlik oqý-jattyǵý kezinde qaıǵyly oqıǵa boldy. Qarý-jaraqpen jumys isteý kezinde qaýipsizdik erejesiniń buzylýy saldarynan merzimdi áskerı qyzmetshi qaza boldy, dep habarlaıdy Kazinform agenttiginiń tilshisi. 

Qazaqstan Respýblıkasy Qarýly Kúshteri Desanttyq-shabýyldaýshy áskerleriniń baspasóz qyzmetiniń málimetinshe, ol oq jaraqatynan qaza tapqan.

Oqıǵaǵa baılanysty qylmystyq is qozǵalyp, tergeý amaldary bastaldy.

Qorǵanys mınıstrligi sheneýnikterdiń salǵyrttyǵy nemese áreketsizdigi anyqtalsa, barlyq kináli adam zań aıasynda qatań jaýapkershilikke tartylatynyn qadap aıtty.

Oqıǵa Qazaqstan Respýblıkasy Qorǵanys mınıstriniń jiti baqylaýynda. Qarýly Kúshterdiń basshylyǵy kóz jumǵan áskerı qyzmetshiniń otbasyna shyn nıetpen kóńil aıtty. Onyń otbasy men jaqyndaryna barlyq qajetti kómek kórsetiledi. 

Aıta ketelik Mańǵystaýda ózine jaraqat salǵan sarbaz psıhıkalyq densaýlyq ortalyǵyna jatqyzylǵan edi.