Jetisý oblystyq densaýlyq saqtaý basqarmasyna jańa basshy taǵaıyndaldy

ASTANA. KAZINFORM — Jetisý oblysy ákiminiń ókimimen Asqar Maratuly Sadyqov Jetisý oblysynyń densaýlyq saqtaý basqarmasynyń basshysy bolyp taǵaıyndaldy, dep habarlaıdy oblystyq ákimdiktiń baspasóz qyzmeti.

Asqar Maratuly Sadyqov 1981 jyly týǵan. Joǵary bilimdi. Qazaq ulttyq medıtsına ýnıversıtetin ýrolog dáriger mamandyǵy boıynsha bitirgen.

Eńbek jolyn Almaty memlekettik dárigerlerdi jetildirý ınstıtýtynda ýrologııa mamandyǵy boıynsha ordınatýrada bastady.

Ár jyldarda Almaty qalasynyń Ortalyq qalalyq klınıkalyq aýrýhanasynda úrolog dáriger, «Akademık B. Jarbosynov atyndaǵy ýrologııa ǵylymı ortalyǵy» AQ kishi ǵylymı qyzmetkeri, ýrolog dárigeri, operatsııa blogynyń meńgerýshisi, jalpy ýrologııa bólimi meńgerýshisiniń mindetin atqarýshy, «Astana qalasyndaǵy ulttyq ǵylymı medıtsınalyq ortalyǵy» AQ ýrologııa, hrırýrgııa bólimderiniń ýrolog dárigeri, «Taldyqorǵan qalalyq kópsalaly aýrýhanasy» ShJQ MKK ýrologııa bóliminiń meńgerýshisi, dırektordyń emdeý isi jónindegi orynbasary, «Kóksý aýdanynyń ortalyq aýdandyq aýrýhanasy» ShJQ MKK dırektory qyzmetterin atqardy.

2022 jyldyń qyrkúıeginen «Taldyqorǵan qalalyq kópsalaly aýrýhanasy» ShJQ MKK dırektory bolǵan.

Aıta keteıik, Jetisý oblysy ákiminiń ókimimen Arman Janseńgirov basqa jumysqa aýysýyna baılanysty Jetisý oblysynyń densaýlyq saqtaý basqarmasynyń basshysy laýazymynan bosatyldy.

Buǵan deıin Semeı qalasy ákiminiń jańa orynbasary taǵaıyndalǵanyn habarladyq.