Jetisý oblysynyń veterınarlary 8 myńǵa jýyq jalǵan zerthanalyq saraptama júrgizgen

TALDYQORǴAN. KAZINFORM - Jetisý oblysy prokýrorlarynyń aktileri boıynsha veterınarııalyq-sanıtarııalyq saraptama zerthanalarynyń qyzmetindegi buzýshylyqtar joıyldy.

Prokýrorlyq tekserý oblystaǵy zerthanalardyń tıisti lıtsenzııasyz, qural-jabdyqtarsyz jáne hımııalyq reaktıvsiz jumys istegenin kórsetti.

«Osy ýaqyt ishinde olar formaldy túrde 8 myńǵa jýyq saraptama aktisin shyǵarǵan.

Tekserý qorytyndysy boıynsha 5 zerthananyń veterınarlyq-sanıtarlyq saraptama júrgizý qyzmeti ýaqytsha toqtatyldy.

Veterınarııalyq stantsııa basshylyǵy bastaǵan kináliler tártiptik jaýapkershilikke tartylsa, zerthana dırektorlary ákimshilik jaýapkershilikke tartyldy», — dep jazdy baqylaýshy organnan.

Qazirgi ýaqytta zerthanalardyń qyzmeti sáıkestendirilip, jumysy qaıta jandandy.

Aıta keteıik, buǵan deıin Pavlodar oblysynyń agroónerkásip kesheni boıynsha memleketke 500 mln teńge shyǵyn kelgenin jazǵanbyz.