Jetisý oblysynyń Týrızm basqarmasyna basshy taǵaıyndaldy

ASTANA. KAZINFORM - Jetisý oblysy ákiminiń ókimimen Sáken Túkibaev oblystyq Týrızm basqarmasynyń basshysy bolyp taǵaıyndaldy. Bul týraly oblys ákimdigi habarlady.

1991 jyly týǵan, bilimi joǵary. Qazaqstan-Brıtan tehnıkalyq ýnıversıtetin «avtomattandyrý jáne basqarý», Ó.Joldasbekov atyndaǵy ekonomıka jáne quqyq akademııasyn «qarjy», Qazaqstan Prezıdentiniń janyndaǵy Memlekettik basqarý akademııasyn «memlekettik jáne jergilikti basqarý, óńirlik damý» mamandyqtary boıynsha bitirgen.

Prezıdenttik jastar kadrlyq rezerviniń múshesi.

Eńbek jolyn Astana qalasynda «MunaıGaz» ınjınırıng kompanııasy» JShS-da ınjener bolyp bastaǵan.

Keıin Taldyqorǵan qalasyndaǵy «TATEK» AQ ekonomısi, Almaty oblysynyń ekonomıka jáne bıýdjettik josparlaý basqarmasynyń bas mamany, bólim basshysy, Qazaqstan Ulttyq ekonomıka mınıstrligi Memlekettik aktıvterdi basqarý saıasaty departamenti dırektorynyń orynbasary, Premer-Mınıstr Keńsesiniń óńirlik damý bóliminiń bas ınspektory, Túrkistan oblysynyń strategııa jáne ekonomıkalyq damý basqarmasy basshysynyń orynbasary, Jetisý oblysynyń Týrızm basqarmasynyń basshysy, 2024 jyldyń aqpan aıynan Jetisý oblysy ákimi apparaty basshysy bolǵan.

Aıta keteıik, Almatynyń Bostandyq aýdanyna jańa ákim taǵaıyndaldy.