Jetisý oblysynyń taýly betkeıinde sý deńgeıi kóterilýi múmkin

ASTANA. KAZINFORM – Qazgıdromet Jetisý oblysy boıynsha aýa raıyna qatysty eskertý jarııalady.

«2024 jylǵy 6-7 mamyr aralyǵynda qatty jaýyn-shashyn boljamyna baılanysty Jetisý oblysynyń taý jáne taý etegindegi aımaqtarda betkeılik aǵyndynyń qalyptasýy jáne ózenderde sý deńgeıleriniń kóterilýi kútiledi. Sonymen qatar sýdyń jaıylýy men sý basýy múmkin», - dedi Qazgıdromettiń baspasóz hatshysy Alına Ismagýlova Ortalyq kommýnıkatsııalar qyzmeti alańynda ótken baspasóz máslıhatynda. 

Osyǵan oraı, Qazgıdromet, sý qaýipti deńgeıden asyp ketken jaǵdaıda, ózenderdiń jaıylma aýmaqtarynda ornalasqan eldi mekenderdi, sharýashylyq qurylystardy jáne jergilikti mańyzy bar joldardy sý basýy múmkin dep eskertedi. 

Aıta keteıik, búgin elimizdiń basym bóliginde jel kúsheıedi.