Jetisý oblysynyń aýmaǵynda jaryq óship qaldy

TALDYQORǴAN. KAZINFORM — Búgin saǵat 14:00 shamasynda Jetisý oblysynyń búkil aýmaǵynda elektr qýaty jappaı sóndi. Bul týraly «TATEK» AQ Elektr jelisiniń kompanııasy habarlady.

Aldyn ala málimet boıynsha, jaryq Taldyqorǵan qalasynda jáne oblystyń ózge de eldi mekenderinde tolyqtaı joq.

Elektr qýatynyń bolmaýyna baılanysty joldaǵy baǵdarshamdar da isten shyqqan. Saǵat 15:30–daǵy jaǵdaı boıynsha jaryq áli qosylǵan joq.

Oqıǵanyń naqty sebepteri anyqtalyp jatyr. Resmı qyzmetter elektrmen jabdyqtaýdy qalpyna keltirý jáne jaǵdaıdy retteý jumystaryn júrgizip jatyr. 

Aıta keteıik, 1 tamyzdan bastap elimizde elektr energııasy tarıfi ózgeretinin habarlaǵanbyz.