Jetisý oblysynyń Aqsý aýdanynda kópirdi sý shaıyp ketti
ASTANA. KAZINFORM — Aqsý aýdanynda «Jansúgirov-Mataı» avtojolynyń 34-shaqyrymynda sý ótkeliniń tozýyna baılanysty temirbeton qubyry men jol tóseminiń bir bóligi qırady.
Aqsý aýdandyq TÚKSh, jolaýshylar kóligi jáne avtomobıl joldary, TÚI bóliminiń basshysy Madııar Nurahmetov bul aqparatty rastady.
— Oblystyq mańyzy bar Aqsý-Oıtoǵan aýyldarynyń arasyndaǵy avtomobıl jolynda ornalasqan kópir kúnniń kúrt jylynýy sebepti, qar sýy kópirdi shaıyp ketti. Qazirgi ýaqytty tıisti jol qozǵalysy shekteldi, qalpyna keltirý sharalary boıynsha mamandar jumys isteýde, — dedi ol.
Keıinnen aýdandyq bólim basshysy jol qozǵalysy qalpyna keltirilgenin málim etti.
— Aqsý-Oıtoǵan aýyldarynyń arasyndaǵy jol qalpyna keltirildi. Qazirgi tańda arnaıy belgiler qoıylyp, kezekshilik uıymdastyryldy. Jol ashyq. Qurmetti jolaýshylar atalǵan jol ýchaskesinde jyldamdyqtyń qatań saqtaýdy suraımyz, — dep eskertti Nurahmetov.
Osyǵan deıin Jetisý oblysynda brakonerlerden 200 keliden astam balyq tárkilengenin jazdyq.