Jetisý oblysyndaǵy jol apatynan eki adam qaza tapty

TALDYQORǴAN. KAZINFORM — Jetisý oblysynda tas jolda kólik aýdarylyp, eki adam qaıtys boldy.

Jetisý oblystyq polıtsııa departamentiniń málimetinshe, jol apaty Almaty-Óskemen tas jolynda boldy. Atalǵan derekke qatysty qylmystyq is qozǵalǵan. 

— Aldyn ala málimet boıynsha, kólik júrgizýshisi rýldi basqara almaı, kólik aýdarylyp ketken. Saldarynan Mercedes júrgizýshisi men jolaýshysy qaza tapty, - dep habarlady vedomstvodan.

Osyǵan deıin, 21 sáýir kúni Almaty-Bishkek avtojolynyń 86 shaqyrymynda jol apaty bolyp, tórt adam kóz jumǵan edi. 

Sondaı-aq Batys Qazaqstan oblysynda jol-kólik oqıǵasynan eki jasóspirim qaza tapqany týraly jazǵan edik.