Jetisý oblysyndaǵy jol apaty: eki adam qaza taýyp, on adam jaraqat aldy
ASTANA. KAZINFORM – Jetisý oblysynda Almaty – Óskemen tasjolynyń 143-shaqyrymynda Mercedes-Benz Sprinter shaǵyn avtobýsy men KamAZ júk kóligi soqtyǵysty.
Jol apatynan eki adam qaza taýyp, taǵy on adam jaraqat aldy.
Aldyn ala málimet boıynsha, ońtústik baǵytta kele jatqan Mercedes-Benz Sprinter shaǵyn avtobýsy ózimen bir baǵytta qozǵalyp bara jatqan KamAZ-dyń tirkemesine soǵylǵan
Apat saldarynan eki adam oqıǵa ornynda kóz jumdy. Shaǵyn avtobýsta bolǵan taǵy on jolaýshy túrli jaraqatpen aýrýhanaǵa jetkizildi.
Jol apatyna baılanysty qylmystyq is qozǵalyp, sotqa deıingi tergeý bastaldy. Qazir oqıǵanyń sebepteri men mán-jaıy anyqtalyp jatyr.
Shaǵyn avtobýs júrgizýshisi ustalyp, ýaqytsha ustaý ızolıatoryna qamaldy.
Polıtsııa júrgizýshilerdi jyldamdyqty asyrmaýǵa, kólikter arasyndaǵy araqashyqtyqty saqtaýǵa jáne jol jaǵdaıyn eskerýge shaqyrdy.
Buǵan deıin Almatydaǵy adam ólimine sebep bolǵan jol apaty boıynsha is qaıta qaralatyny habarlandy.
