Jetisý oblysyndaǵy «Ardagerler saıabaǵyna» irgeles jer ýchaskeleri memleket menshigine qaıtaryldy
TALDYQORǴAN. KAZINFORM – Jetisý oblysynyń prokýratýrasy «Ardagerler parki» aýmaǵyna irgeles jatqan jer telimderin memleket menshigine qaıtardy, dep habarlaıdy Bas prokýratýranyń baspasóz qyzmeti.
Bul jóninde 2026 jylǵy 12 qańtarda qadaǵalaý organynyń baspasóz qyzmeti málim etti.
– Taldyqorǵan qalasynyń prokýrory bergen talap-aryz boıynsha sot jeke tulǵaǵa «Ardagerler parki» aýmaǵyna irgeles 4,1 gektar jer telimin zańsyz berý faktisin tanyp, atalǵan jerdi memleket menshigine qaıtarý týraly sheshim qabyldady, - delingen habarlamada.
Qadaǵalaý barysynda bul jer teliminiń orman-saıabaq aımaǵyna jatatyny jáne 2006 jyly zańsyz túrde jekemenshikke berilgeni anyqtalǵan.
– Keıinnen jerdiń ıesi bul aýmaqty 44 bólek jer telimine bólip, olardy 13 jeke tulǵaǵa satqan, - dep naqtylady Jetisý oblysy prokýratýrasynyń baspasóz qyzmeti.
Sot sheshimi zańdy kúshine engeni de atap ótildi.
Eske sala keteıik, budan buryn Aqmola oblysynda 82 mln teńgege baǵalanǵan jer memleketke qaıtarylǵanyn jazǵanbyz.
