Jetisý oblysyndaǵy áleýmettik dúkenderde baǵa orta eseppen 10-15%-ǵa tómen
TALDYQORǴAN. KAZINFORM – «Jetisý» áleýmettik-kásipkerlik korporatsııasy áleýmettik mańyzy bar azyq-túlik taýarlarynyń baǵalaryn turaqtandyrýdyń 2 tetigin iske asyryp otyr. Búgingi kúni turaqtandyrý qorynda quny 1 mlrd. 142 mln. teńge bolatyn 18 túrli azyq-túlik qory bar.
Búginde óńirde 7 áleýmettik saýda orny bar. 5 áleýmettik dúken Taldyqorǵan qalasynda. Sondaı-aq, «Jeruıyq» kommýnaldyq bazary jáne «Kókbazarda» saýda oryndaryn ashty. Mundaǵy taýar baǵasy naryqtyq baǵadan ortasha eseppen 10-15%-ǵa tómen.
Áleýmettik dúkenderdegi azyq- túlik baǵasy:
1-sanattaǵy jumyrtqa quny ondyǵyna 460 teńge;
Kúnbaǵys maıy – 510 tg/l;
Kúrish – 340 tg/kg;
1-surypty bıdaı uny – 180 tg/kg;
As tuzy – 60 tg/kg;
Kartop –190 tg/kg;
Pııaz –110 tg/kg;
Sábiz –160 tg/kg
«Jetisý» áleýmettik kásipkerlik korporatsııasynyń málimetinshe, 2023-2024 jyldary baǵany turaqtandyrýǵa 9,2 mlrd. teńge bólindi. Onyń ishinde turaqtandyrý qoryn qalyptastyrýǵa – 1,2 mlrd. teńge, kásipkerlik sýbektilerine jeńildetilgen nesıeler berýge – 8,0 mlrd. teńge qarastyryldy. Búgingi kúni baǵalardy turaqtandyrý tektikteri boıynsha 22,1 myń tonna kóleminde azyq-túlik taýary boıynsha kelisimshart bar. Sondaı aq, 21 taýar óndirýshimen kelisim jasalǵan. Onyń qatarynda, «Aqsý Qant» zaýyty, «Kóger LTD» JShS jumyrtqa baǵytyndaǵy qus fabrıkasy, «Sardar Export» JShS nan kombınaty, «Lıazzat-2016» JShS sút zaýyty, kartop, sábiz jáne pııaz óndiretin 3 sharýa qojalyǵy», - deıdi Jetisý áleýmettik-kásipkerlik korporatsııasy.
Sondaı-aq Túrkistan oblysynyń erte pisetin kókónisterdi óndiretin 1 sharýa qojalyǵy, 3 naýbaıhana jáne 3 mal bordaqylaý alańy bar.
«Qos mehanızm boıynsha áreket etetin kelisim-sharttar boıynsha 263 myń. bólke áleýmettik nan, 452 tonna 1-surypty un, 15 123 tonna qant, 668tonna kúrish, 19tonna makaron ónimderi, 568myń lıtr kúnbaǵys maıy, 62 tonna qaraqumyq jarmasy, 4 tonna as tuzy, 3 tonna taýyq eti, 4,4 mln. dana 1-sanattaǵy jumyrtqa, 150tonna sıyr eti, 233 tonna sút ónimderi jáne 4654 tonna kókónis ónimderiniń qory bar, búgingi kúnge, áleýmettik saýda núkteleri jáne úı janyndaǵy dúkender arqyly qalyptastyrylǵan qorǵa úzdiksiz taýar ınterventsııalary júrgizilýde», - delingen Jetisý áleýmettik-kásipkerlik korporatsııasy bergen aqparatta.
Eske sala keteıik, buǵan deıin ShQO azyq-túlik baǵasyn turaqtandyrý úshin qandaı jumystar atqarylǵanyn jazǵanbyz.
