Jetisý oblysyndaǵy Aqsý, Kóksý qant zaýyttary qyzylsha qabyldaýdy bastady
JETІSÝ OBLYSY. KAZINFORM –Bıyl Jetisýda 13,7 myń gektarǵa qant qyzylshasy egildi. Óńirdegi eki zaýyt sol alqaptan jınalatyn ónimdi óńdeý jumystaryna kiristi.
Jospar boıynsha 615 myń tonna tátti túbirden 67 myń tonna qyzylsha qantyn jáne 30 myń tonna qurǵaq qant óndirilmek - dep habarlady Jetisý oblysy ákiminiń baspasózi.
Oblystyq aýylsharýashylyq basqarmasynyń málimetinshe Jetisý oblysy boıynsha 597 sharýa qojalyǵy qant qyzylshasyn ósirýmen aınalysady. Onyń 193 sharýa qojalyǵy Aqsý, Sarqan, Alakól aýdandarynda. Úsh aýdannan jetkiziletin ónimnen Aqsý qant zaýyty 40 myń tonna qant óndirýdi josparlap otyr. Al, Kóksý qant zaýytyna shıkizat Eskeldi, Qaratal, Kerbulaq aýdandary men Taldyqorǵan qalasynan jetkiziledi. Jospar 57 myń tonna bolmaq.
«Qyzylshany satyp alý baǵasy memleketten 25 myń teńge, qant zaýytynan 15 myń teńge, ıaǵnı tonnasyna 40 myń teńge tólenedi», - deıdi oblystyq aýylsharýashylyǵy basqarmasynyń basshysy Nurdáýlet Kenenbaev.
Jetisýda qant ónerkásibin damytýǵa erekshe kóńil bólingen. Bıyl 14 myń gektarǵa jýyq daladan tátti túbir jınalsa, kelesi jyly egis alqabyn 15 myń gektarǵa deıin jetkizý josparda bar.
Eske sala keteıik buǵan deıin Qazaqstan boıynsha qanttyń ortasha baǵasyn jazǵan bolatynbyz.
