Jetisý oblysynda júk kóligimen soqtyǵysqan jeńil kólik júrgizýshisi qaza tapty

ASTANA. KAZINFORM — Jetisý oblysynda jol apaty saldarynan bir adam qaza tapty. Changan CS35 kóliginiń júrgizýshisi Shacman júk kóligimen soqtyǵysyp, oqıǵa ornynda kóz jumdy. 

Jetisý oblysynda júk kóligimen soqtyǵysqan jeńil kólik júrgizýshisi qaza tapty
Foto: Jetisý oblysy polıtsııa departamenti

Oblystyq polıtsııa departamentiniń málimetinshe, jol apaty «Taldyqorǵan — Úshtóbe» avtojolynyń 20-shaqyrymynda bolǵan.

Aldyn ala málimet boıynsha, Changan CS35 júrgizýshisi qarsy qozǵalys jolaǵyna shyǵyp ketip, Shacman júk kóligimen soqtyǵysqan.

Jol apatynan jeńil kólik júrgizýshisi ómirine qaýip tóndiretin aýyr jaraqat alyp, oqıǵa ornynda kóz jumdy.

Osy derek boıynsha qylmystyq is qozǵaldy. Qazir polıtseıler oqıǵanyń mán-jaıy men sebepterin anyqtap jatyr.

Eske salaıyq, buǵan deıin 18 qarashada Aqmola oblysynyń tasjoldarynda úsh jol apaty bolyp, alty adam qaza tapqanyn habarlaǵan edik.