Jetisý oblysynda jóndeý jumystary kezinde zań buzǵan burynǵy basqarma basshysy sottaldy

TALDYQORǴAN. KAZINFORM – Jetisý oblysynda Jolaýshylar kóligi jáne avtomobıl joldary basqarmasynyń burynǵy basshysy qyzmettik ókilettigin asyra paıdalanǵany úshin sottaldy.

Jetisý oblysynyń prokýratýrasy baspasóz qyzmetiniń habarlaýynsha, 2023 jyly erigen sýdyń shaıyp ketýinen qıraǵan Kerbulaq aýdany Malaısary beketine aparatyn jol qoǵamnyń narazylyǵyn týdyrǵan.

Prokýrorlyq tekserý barysynda atalǵan aýmaqta jóndeý jumystaryn júrgizý kezinde óreskel zańbuzýshylyqtar anyqtaldy.

Osydan keıin arnaıy prokýrorlar Qylmystyq kodekstiń 361-babynyń 4-bóligi, 3-tarmaǵy boıynsha sotqa deıingitergep-tekserýdi bastady.

Tergeý jumystary jobalyq-smetalyq qujattar jasalmaǵanyn, al saraptama aǵymdaǵy jóndeý sharalary retinde kórsetilgenin anyqtady.

Sonyń saldarynan sý burýdyń syıymdylyq qýaty eseptelmegen, jumys sapasyz júrgizilip, onyń saldary joldyń buzylýyna ákepsoqqan.

Memleketke keltirilgen shyǵyn 22 mıllıonnan astam teńgeni qurady.

«Óz kinásin moıyndaǵannan keıin, sottalýshynyń jasyn jáne keltirilgen zııandy tolyq ótelgenin eskere otyryp, sot bas bostandyǵynan aıyrýǵa baılanysty emes jaza taǵaıyndady. Úkim zańdy kúshine engen joq», - delingen habarlamada.