15:40, 12 Qarasha 2024 | GMT +6
Jetisý oblysynda jol kólik oqıǵasynan 3 adam mert boldy
TALDYQORǴAN. KAZINFORM — Jetisý oblysy Qaratal aýdanynda bolǵan kólik apatynan 3 adam kóz jumdy. Oqıǵa qarasha aıynyń 10 kúni túnde bolǵan.
Úsh adamnyń ómirin jalmaǵan jol kólik oqıǵasy Qaratal aýdanyna qarasty Eskeldi aýylynyń mańynda túngi saǵat 22:30 dar shamasynda tirkelgen.
Taldyqorǵan-Úshtóbe baǵytynda kele jatqan Audi jeńil kóligi, sol baǵyttaǵy Howo júk kóligine soǵylǵan. Saldarynan 1973 jyly týǵan kólik júrgizýshisi men 1975 jyly, 1982 jyly týǵan erli-zaıypty jolaýshylar oqıǵa ornynda qaıtys boldy. Olardyń artynda 3 balasy qaldy.
Eske salaıyq buǵan deıin Taldyqorǵan qalasynda 20 jastaǵy jigitti júk kóligi basyp ketkenin jáne Jetisý oblysynda júk kólikteri soqtyǵysyp, 16 kóliktiń janyp ketkenin jazǵanbyz.
