Jetisý oblysynda jol boıynda jolbarys júrgeni ras pa
TALDYQORǴAN. KAZINFORM — Keshe áleýmettik jelige Jetisý oblysy Aqsý aýdany aýmaǵynda jyrtqysh ań júrgeni jaıly jazba jarııalanǵan. Aýdandyq ákimdiktegiler jaýap berdi.
Eldi dúrliktirgen jazba TikTok, Instagram jelilerine tarady. Onda jol boıyndaǵy jolbarysty Jansúgir aýyly men Sýyqsaı aýyldarynyń ortasynda júr dep jarııalaǵan.
Aqsý aýdany ákimdigi bul málimetti joqqa shyǵardy. Jalǵan aqparat taratýshy anyqtalyp jatyr.
— Áleýmettik jelilerde Sýyqsaı-Jansúgirov aýyldarynyń arasynda júrgen jyrtqysh ań týraly jarııalanǵan vıdeo boıynsha atalǵan aqparat shyndyqqa janaspaıdy. Aqsý aýdany Sýyqsaı aýylynyń aýmaǵynda sırek kezdesetin jyrtqysh ańnyń joq ekendigin habarlaıdy. Dúrligýge eshqandaı negiz joq. Jalǵan aqparat taratqandar anyqtalyp jatyr, — deıdi Aqsý aýdandyq ákimdiginiń baspasóz qyzmeti.
Eske salaıyq buǵan deıin Altynemel ulttyq parkine ákelingen 30 qulannyń sany 3600-ge jetkenin jáne «Іle-Balqash» rezervatynda eki jolbarystyń jersindirilip jatqanyn jazǵanbyz.
