14:05, 17 Qazan 2023 | GMT +6
Jetisý oblysynda jol apatynan eki adam qaza tapty
Jetisý oblysynyń Panfılov aýdanynda kólik aýdarylyp, saldarynan eki adam qaza tapty, dep habarlaıdy Kazinform.
Oblystyq polıtsııa departamenti usynǵan aqparatqa sáıkes, jol apaty 16 qazan kúni Kóktal-Áýlıeaǵash tasjolynyń 6-shy shaqyrymynda bolǵan. «Mersedes GL-450» kóligi aýdarylyp ketken.
Kóliktiń ishinde 34 jáne 33 jastaǵy eki er adam boldy. Olardyń biri oqıǵa ornynda, ekinshisi aýdandyq aýrýhananyń jansaqtaý bóliminde kóz jumdy.
«Jol-kólik apatynyń barlyq mán-jaıy anyqtalyp jatyr. Atalǵan derek boıynsha qylmystyq is qozǵaldy», - dep habarlady Jetisý oblystyq PD baspasóz qyzmetinen.
Buǵan deıin Jetisý oblysynda júk kóligi men «Audi-100» jeńil mashınasy soǵylyp, 9 adam zardap shekken bolatyn.
