Jetisý oblysynda jyl basynan beri JKO boıynsha 203 qylmystyq is tirkeldi

ASTANA. KAZINFORM – Keıingi ýaqytta Jetisý oblysynda avtomobıl joldarynda jol-kólik oqıǵalary jıiledi. Polisia.kz-tiń málimetinshe, atalǵan aımaqta jyl basynan beri jol-kólik oqıǵalary boıynsha 203 qylmystyq is tirkelgen. 

– Onyń ishinde 67 qylmystyq is boıynsha adam ólimine qatysty, 19 is mas kúıinde kólik júrgizýge baılanysty boldy. Bul rette júrgizýshiler kólik quraldaryn basqarý quqyǵynan aıyryldy. Shilde aıynyń 17 kúninde ǵana jol-kólik oqıǵalary boıynsha 20 qylmystyq is tirkeldi, - dep atap ótti PD anyqtaý basqarmasy bastyǵynyń orynbasary Aıdos Esimbekov.

Ol sondaı-aq jol-kólik oqıǵalarynyń basym bóligi qalalyq jáne aýdandyq joldarda bolatynyn tilge tıek etti. Sebebi kólikter sany kúnnen-kúnge artyp keledi jáne kóp júrgizýshi jol erejelerin saqtamaıdy. 

Polıtsııa jol qozǵalysynyń barlyq qatysýshysyn jol erejelerin qatań saqtaýǵa shaqyrady. 

Eske sala keteıik, buǵan deıin Jetisý oblysyndaǵy medıtsınalyq uıymdarǵa 29 sanıtarlyq kólik tabystaldy.