Jetisý oblysynda jer silkinisinen joldarǵa zaqym kelgen joq – Qazavtojol
ASTANA: KAZINFORM - Jetisý oblysyndaǵy respýblıkalyq mańyzy bar avtojoldardaǵy jaǵdaı turaqty, dep habarlady búgin «QazAvtoJol» mekemesi.
Mekemeniń málimetterine qaraǵanda, «QazAvtoJol» ulttyq kompanııasy 2026 jylǵy 4 maýsym kúni Astana ýaqytymen saǵat 21:19-da Jetisý oblysy aýmaǵynda tirkelgen seısmıkalyq oqıǵadan keıin respýblıkalyq mańyzy bar avtomobıl joldarynda monıtorıngtik jáne patrýldik jumystar uıymdastyrdy.
Seısmologııalyq qyzmetterdiń málimetinshe, jer silkinisiniń oshaǵy Jetisý oblysynyń Panfılov aýdanynda jatyr.
Jer silkinisi óńirdegi birqatar eldi mekende, atap aıtqanda Jarkent, Sarqan, Tekeli, Taldyqorǵan, Úsharal jáne Úshtóbe qalalarynda sezilgen.
Saǵat 23:20-daǵy jaǵdaı boıynsha respýblıkalyq avtojoldardyń ýchaskelerinde zardap shekkender men qaza tapqandar tirkelgen joq. Sondaı-aq jol jabynynda, kópir qurylystarynda jáne ózge de jol ınfraqurylym nysandarynda eshqandaı zaqym anyqtalǵan joq.
-Qazirgi ýaqytta óńirdiń jol qyzmetteri monıtorıng jumystaryn júrgizip jatyr. Mamandar respýblıkalyq mańyzy bar avtomobıl joldaryn, kópirlerdi, sý ótkizý qubyrlaryn jáne basqa da jasandy qurylystardy tekserip, turaqty patrýldeý júrgizip jatyr. Respýblıkalyq mańyzy bar avtomobıl joldaryndaǵy jaǵdaı turaqty. Kólik qozǵalysy shtattyq rejımde jumys istep jatyr. Jaǵdaıǵa baılanysty qandaı da bir ózgerister oryn alǵan jaǵdaıda turǵyndar men jol paıdalanýshylarǵa qosymsha aqparat jedel túrde usynylatyn bolady,-delingen habarlamada.
Aıta keteıik, 4 maýsym kúni saǵat 21:22–de Almaty turǵyndary jerasty dúmpýin sezdi.
Jetisý oblysynda jer silkinisine baılanysty jedel jeli iske qosyldy.
