Jetisý oblysynda jer silkinisine baılanysty jedel jeli iske qosyldy
ASTANA. KAZINFORM - Taldyqorǵan mańynda tirkelgen jer silkinisine baılanysty Jetisý oblysy Tótenshe jaǵdaılar departamenti turǵyndarǵa arnalǵan jedel jelini iske qosty, dep habarlaıdy QR Tótenshe jaǵdaılar mınıstrliginiń baspasóz qyzmeti.
Mamandar kelesi nómir arqyly Sizge keńes berýge jáne suraqtaryńyzǵa jaýap berýge daıyn: 8 (7282) 32-44-36
TJM jedel qyzmetteri jergilikti atqarýshy organdardy, polıtsııany jáne basqa da beıindi qyzmetterdi habardar etti.
-Turǵyndardy sabyr saqtap, tek resmı aqparat kózderine senýge shaqyramyz, - delingen habarlamada.
Osyǵan deıin, 4 maýsymda saǵat 21:22–de Almaty turǵyndary jerasty dúmpýin sezgeni týraly jazdyq.
