Jetisý oblysynda jasóspirim 86 jastaǵy qarııany soqqyǵa jyqty

TALDYQORǴAN. KAZINFORM — Jetisý oblysy Ótenaı aýylynda jasóspirim zeınetkerdi aıaýsyz soqqyǵa jyqty.

Áleýmettik jelide taıaq jegen qart adamnyń sýretteri tarady. 

Oblystyq polıtsııa departamentiniń málimetinshe, atalǵan derek boıynsha qylmystyq is qozǵaldy.

— Qazir tergeý amaldary júrgizilip jatyr. Kámeletke tolmaǵan quqyq buzýshy zańdy ókiliniń kepildigine tapsyryldy,— dep habarlady vedomstvodan.

Budan bólek,jasóspirimdi tárbıeleý jónindegi mindetterin durys oryndamaǵany úshin onyń zańdy ókili ákimshilik jaýapkershilikke tartyldy.

Jasóspirim profılaktıkalyq esepke qoıylyp,Taldyqorǵan qalasy ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komıssııaǵa tıisti usynys joldandy.

— ıÝvenaldy polıtsııa qyzmetkerleri osyndaı quqyqbuzýshylyqtardyń aldyn alý maqsatynda profılaktıkalyq jumystardy jalǵastyryp jatyr, – dep atap ótti polıtsııadan.

Buǵan deıin Semeıde jasóspirimder altynshy synyp oqýshysyn soqqyǵa jyqqany týraly jazǵanbyz.