Jetisý oblysynda zańsyz jumys istegen qoqys polıgony anyqtaldy
TALDYQORǴAN. KAZINFORM — Jetisý oblysynyń tabıǵat qorǵaý prokýratýrasy qatty turmystyq qaldyqtar polıgonynyń zańsyz áreketiniń jolyn kesti. Bul týraly óńirdegi prokýratýra málim etti.
Mamandandyrylǵan tabıǵat qorǵaý prokýratýrasy Kóksý aýdanynda ornalasqan qatty turmystyq qaldyqtar polıgonynyń jumysynda óreskel quqyq buzýshylyqtardy anyqtady.
— Polıgon óz qyzmetin memlekettik ekologııalyq saraptamanyń qorytyndysynsyz jáne qorshaǵan ortaǵa lastaǵysh zattardy shyǵarý ruqsatynsyz júzege asyrǵan. Polıgondy jabýǵa, jerlerdi rekýltıvatsııalaýǵa, lastanýǵa baqylaý júrgizýge arnalǵan taratý qory qurylmaǵan, onsyz polıgondy paıdalanýǵa tyıym salynady. Onyń ústine polıgonda qoqys jınaý sheginen eki ese asyp ketken, — delingen habarlamada.
Prokýrorlyq qadaǵalaý aktisi boıynsha quqyq buzýshy Ákimshilik quqyq buzýshylyq týraly kodeksiniń 328-baby boıynsha 340 mln teńgeden astam somaǵa aıyppulmen jaýapkershilikke tartyldy.
Polıgon senimgerlik basqarýdan alynyp, memleketke qaıtaryldy.