Jetisý oblysynda iz-túzsiz joǵalǵan 3 jasar bala óli kúıinde tabyldy
TALDYQORǴAN. KAZINFORM – 7 qyrkúıek kúni úıinen shyǵyp ketken 3 jastaǵy Aldııardy izdeýshiler arada 11 kún ótkende Muqanshy ózeninen tapqan.
«18 qyrkúıekte izdestirý sharalarynyń barysynda, Kóksý aýyly Muqanshy ózeniniń túbinde, iz-túzsiz joǵalǵan balanyń máıiti tabyldy. Aldyn ala málimetter boıynsha, zorlyq-zombylyqpen ólý belgileri joq», - dnr habarlady Jetisý oblysy polıtsııa departamentiniń baspasóz qyzmeti.
Polıtsııa qyzmetkerleri ata-analar men qamqorshylarǵa mundaı qaıǵyly jaǵdaı qaıtalanbas úshin balalardy qaraýsyz qaldyrmaýǵa shaqyrdy.
Esterińizge sala keteıik, buǵan deıin Kóksý beketinde joǵalǵan balanyń tabylmaı jatqany týraly habarlaǵan bolatynbyz. Sondaı-aq taldyqorǵandyq stýdenttiń jumbaq óliminiń syry 7 aı ótse de áli ashylmaǵanyn jazǵan edik.
