Jetisý oblysynda tórt jylda et óndirisi 11,6%-ǵa artty
ASTANA. KAZINFORM - Jetisý oblysy qurylǵannan beri óńirde mal sharýashylyǵy salasynda turaqty ósim baıqalady.
Sońǵy 4 jylda et óndirisi 11,6%-ǵa, sút óndirisi 5,8%-ǵa, jumyrtqa óndirisi 7,7%-ǵa artqan. Búginde salada 3 myńnan astam sharýashylyq jumys isteıdi, olardyń myńǵa jýyǵy asyl tuqymdy mal ósirýmen aınalysady.
Oblystyq aýyl sharýashylyǵy basqarmasynyń málimetinshe, óńirdegi jalpy mal basy 2,6 mln-ǵa jýyqtaǵan. Onyń ishinde 541 myńy — iri qara mal, 1,7 mln-y — usaq mal, 228 myńnan astamy — jylqy.
Bıyl mal basyn 9,3%-ǵa ulǵaıtyp, 121 myń tonna et, 232 myń tonna sút jáne 350 mln dana jumyrtqa óndirý josparlanyp otyr. 2026 jyldyń basynan beri qýattylyǵy 29,3 myń basqa arnalǵan 72 bordaqylaý alańynda 19,7 myń bas iri qara bordaqylanyp, tiri salmaqta 23,4 myń tonna et óndirildi.
Aıta ketelik Astanaǵa 12 eldiń azyq-túlik jáne tamaq ónerkásibiniń ókilderi jınalady.
