Jetisý oblysynda temirjol ınfraqurylymy nysany memleketke qaıtaryldy
ASTANA. KAZINFORM – Bas áskerı prokýratýra temirjol ınfraqurylymy nysany memleket menshigine qaıtarylǵanyn málimdedi.
Saryózek garnızonynyń áskerı prokýratýrasy júrgizgen taldaý nátıjesinde jer komıssııasynyń sheshimi jáne jer qatynastary jónindegi jergilikti organmen jasalǵan satyp alý-satý sharty negizinde áskerı bólimderdiń biriniń temirjolǵa baratyn tarmaǵynyń bir bóligin kommertsııalyq qurylymnyń menshigine zańsyz berý faktisi anyqtaldy.
Qadaǵalaý aktisi negizinde áskerı bólim Jetisý oblysynyń mamandandyrylǵan aýdanaralyq ákimshilik sotyna atalǵan sheshim men shartty zańsyz dep taný týraly talap aryzben júgindi.
Sotpen talap aryz qanaǵattandyryldy, quny 75 mln teńgeden asatyn kirme jol qorǵanys vedomstvosynyń menshigine qaıtaryldy.
- Áskerı prokýratýra organdary áskerı nysandardyń saqtalýyn jáne olardy tıisti paıdalanýyn qamtamasyz etý jónindegi qadaǵalaý sharalarynyń iske asýyn odan ári jalǵastyrady, - delingen habarlamada.
Aıta keteıik, 2 mln ga paıdalanylmaǵan jer merziminen buryn memleket menshigine qaıtaryldy.