Jetisý oblysynda tártip pen tazalyqty dáripteıtin mýral ashyldy
AQTAÝ. KAZINFORM – Jetisý oblysynda «Zań men Tártip» qaǵıdaty jáne «Taza Qazaqstan» aktsııasy aıasynda úsh mýral ashyldy, – dep jazdy Polisia.kz.
Jetisý oblysynda óńir ákimdiginiń, «Jetisý jastary» KMM men polıtsııa departamentiniń qoldaýymen ádildik, azamattyq jaýapkershilik jáne ekologııalyq mádenıet taqyryptaryna arnalǵan úsh mýral ashyldy.
Joba Prezıdenttiń «Ádiletti Qazaqstan» ıdeologııalyq baǵdarlamasy aıasynda júzege asyrylyp, belsendi jáne sanaly qoǵam qalyptastyrýǵa baǵyttalǵan. Mýraldar «Taza Qazaqstan», «Adal Azamat» jáne «Zań men Tártip» tujyrymdamalarynyń negizgi baǵyttaryn beıneleıdi. Monýmentaldy sýret óneri nysandary Sarqan jáne Úshtóbe qalalarynda, sondaı-aq Kóksý aýdanynyń Balpyq bı aýylynda ornalasqan.
Bul kórkem týyndylar qala kóshelerin kóriktendirip qana qoımaı, «Ádiletti Qazaqstan» ıdeıasynyń – tazalyq, adaldyq jáne zańdylyqtyń sımvolyna aınaldy.
«Taza Qazaqstan» aktsııasy turǵyndardy qorshaǵan ortany taza ári qaýipsiz etýge úndese, «Zań men Tártip» qaǵıdaty zańdy saqtaý, qoǵamdyq tártip pen ár azamattyń jeke jaýapkershiliginiń mańyzyn aıqyndaıdy.
Polıtsııa men óńirdegi jastar uıymdarynyń birlesken jumysy quqyqtyq sanany nyǵaıtýǵa, ekologııalyq mádenıetti damytýǵa jáne jas urpaqtyń zańǵa, qorshaǵan ortaǵa degen qurmetin tárbıeleýge baǵyttalǵan.
Aıta keteıik, Petropavlda Abaı Qunanbaevqa arnalǵan mýral paıda boldy.