Jetisý oblysynda respýblıkalyq mańyzy bar jol jabyldy
Jetisý oblysynda jol jóndeý jumystaryna baılanysty «Saryózek – Kóktal» respýblıkalyq mańyzy bar avtojol ýchaskesi barlyq kólikter úshin ýaqytsha jabyldy, dep habarlaıdy Kazinform.
«12 qazan 06:00-den bastap asfalt tóseý jumystaryna baılanysty „Saryózek — Kóktal“ respýblıkalyq mańyzy bar avtojol ýchaskesinde (45-68 shaqyrym) avtokóliktiń barlyq túrleri úshin qozǵalys jabyq», - dep habarlady «QazAvtoJol» UK» AQ oblystyq fılıalynan.
Osyǵan baılanysty Almaty oblystyq tótenshe jaǵdaılar departamenti kólik júrgizýshilerinen atalǵan baǵytta jol júrmeı, baǵdaryn aldyn ala ózgertýdi, sondaı-aq 112 jiberetin SMS habarlamalardy nazardan tys qaldyrmaýdy suraıdy.
Aıta keteıik, Jetisý oblysynda Kóktuma eldi mekeninen Jalańashkól kóline deıingi respýblıkalyq mańyzy bar «Úsharal-Dostyq» avtojolynyń kezekti ýchaskesi paıdalanýǵa berildi.
Rekonstrýktsııa aıasynda kúre jol III tehnıkalyq sanattan II sanatqa aýystyryldy.
Bul joldyń ótkizý qabiletin arttyrýǵa múmkindik bermek.
