Jetisý oblysynda poıyz kenetten jolǵa shyqqan kisini basyp ketti

TALDYQORǴAN. KAZINFORM — Bógde adamnyń temir jol boıyna kenetten shyǵa kelýine baılanysty mashınıst shuǵyl tejeýdi qoldanǵan. Bul týraly «Qazaqstan temir joly» UK» AQ baspasóz qyzmeti málim etti.

— 6 tamyzda saǵat 19-52-de Qarabulaq — Tentek aralyǵynda mashınıst bógde adamnyń temir jolǵa kenetten shyǵa kelýine baılanysty shuǵyl tejeýdi qoldandy. Qashyqtyqtyń qysqalyǵynan basýdyń aldyn alý múmkin bolmady, — delingen habarlamada.

QTJ azamattardy óte muqııat bolýǵa jáne temir joldardyń janynda bolý erejelerin saqtaýǵa shaqyrady.

— Ruqsat etilmegen jerlerde joldardy kesip ótý qaıǵyly saldarǵa ákelýi múmkin ekenin eske salamyz, — dedi «Qazaqstan temir joly» UK» AQ baspasóz qyzmeti.

Eske sala keteıik, buǵan deıin Semeıde joldan ótpek bolǵan áıeldi poıyz basyp ketkenin jazǵan edik.