Jetisý oblysynda muǵalimderge 72 mln teńge qaryz óteldi
ASTANA.KAZINFORM - Jetisý oblysynda prokýrorlyq qadaǵalaý aktisi boıynsha 492 pedagogke 72 mln teńge bereshek tólendi.
Jetisý oblysynyń prokýratýrasy qyzmetkerlerdiń konstıtýtsııalyq quqyqtaryn qorǵaýǵa jáne eńbek zańnamasynyń saqtalýyna erekshe kóńil bóledi.
Panfılov aýdanynyń prokýratýrasy júrgizgen taldaý barysynda aýdandyq bilim bólimi muǵalimderdiń issapar shyǵyndary boıynsha 72 mln teńge somasynda bereshek bolǵan.
Ótemaqylardyń ýaqtyly tólenýi azamattardyń eńbek quqyqtaryn qamtamasyz etýdiń mindetti sharty ekenin eskere otyryp, aýdan prokýratýrasymen ýákiletti organnyń atyna prokýrorlyq qadaǵalaý aktisi engizildi.
Prokýrorlyq qadaǵalaý sharalarynyń nátıjesinde atalǵan bereshek tolyqtaı óteldi. 492 pedagog tıisti tólemderin tolyq kólemde aldy.
Aıta ketelik pavlodarlyq dárigerlerge prokýratýranyń aralasýymen 15 mln teńge jalaqy qaıtarylǵan edi.