Jetisý oblysynda monsha órtenip, 22 adam evakýatsııalandy

TALDYQORǴAN. KAZINFORM – Jetisý oblystyq TJD-ǵa Taldyqorǵan qalasyndaǵy Jeltoqsan kóshesinde ornalasqan monsha kesheniniń shatyry órtengeni týraly habar tústi.

Oqıǵa ornyna qutqarýshylar jedel jetti. Órt sóndirýshiler kelgenge deıin ǵımarattan 22 adam, onyń ishinde 15 kelýshi ózdiginen evakýatsııalanǵan.

- Órt sóndirý bólimsheleriniń úılesimdi is-qımylynyń arqasynda jalynnyń jaqyn ornalasqan ǵımarattarǵa taralýyna jol berilgen joq. Jalpy 600 sharshy metr aýmaqtaǵy órt tolyq sóndirildi, - delingen aqparatta.

Zardap shekkender joq.

Tótenshe jaǵdaılar departamenti turǵyndarǵa órt qaýipsizdigi erejelerin qatań saqtaý jáne tótenshe jaǵdaı týyndaǵan jaǵdaıda 112 nómirine habarlasý qajettigin eskertedi.

Aıta keteıik, Almatyda órt shyqqan balalar úıinen 35 adam evakýatsııalandy.