Jetisý oblysynda monopolıst jaýapkershilikke tartylyp, jylý tarıfi tómendetildi

TALDYQORǴAN. KAZINFORM – Jetisý oblysynda jylý tutynýshylarynyń quqyǵy qorǵalyp, monopolıst jaýapkershilikke tartyldy.  

Jetisý oblysynyń prokýrorlary negizsiz kóterilgen jylý tarıfterin tómendetýge qol jetkizdi.

«Taldyqorǵanjylýservıs» MKK zańdy tulǵalar úshin jylý tarıfin qalyptastyrý kezinde shyǵyndarǵa engizilgen barlyq qarajatty jumsamaǵan.

— Taldyqorǵan qalasy prokýratýrasynyń qadaǵalaý aktisimen 7,8 mln teńgeden astam somaǵa ýaqytsha ótemdik tarıf engizildi. Nátıjesinde tarıf 77 teńgege deıin tómendetildi, 1971 tutynýshynyń quqyǵy qorǵaldy, — delingen habarlamada.

Monopolıst ákimshilik jaýapkershilikke tartyldy. 

Aıta ketelik Ystyq sý tarıfi 6,2% tómendep, ınflıatsııa deńgeıi 11,8% bolǵany týraly jazǵan edik.