Jetisý oblysynda bilim bóliminiń úsh býhgalteri 34 mln aqsha jymqyrǵan
TALDYQORǴAN. KAZINFORM — Jetisý oblysy Kerbulaq aýdanynyń prokýratýrasy bilim bólimi býhgalterleriniń bıýdjet qarajatyn urlaý faktisin anyqtady. Bul týraly oblystyq prokýratýranyń baspasóz qyzmeti málim etti.
Jetisý oblysynyń bilim salasynda áshkerelengen sybaılas jemqorlyqqa bilim bóliminde jumys isteıtin úsh býhgalterdiń qatysy bary belgili bolyp otyr.
«2021-2023 jyldar aralyǵynda bilim bóliminiń úsh býhgalteri bilim bóliminde jumys istemeıtin adamdarǵa zańsyz jalaqy men eńbek demalysy járdemaqysyn aýdarǵan», — delingen habarlamada.
Keltirilgen shyǵyn 34 mln teńgeni qurap otyr.
Osy fakti boıynsha oblys prokýratýrasy tergeý júrgizip, nátıjesinde Qylmystyq kodekstiń 190-babynyń 4-bóligi 2-tarmaǵy (alaıaqtyq) boıynsha qylmystyq is sotqa joldandy.
Sot úkimimen býhgalterler Qylmystyq kodekstiń 63-baby (shartty túrde sottaý) boıynsha 5 jyl 6 aı merzimge bas bostandyǵynan aıyrý túrindegi jaza taǵaıyndaýmen kináli dep tanyldy, keltirilgen zalal memleket kirisine tolyq kólemde óteldi.
