Jetisý oblysynda mektepterde berilmegen tamaq úshin 20 mln aqsha tólengen

TALDYQORǴAN. KAZINFORM — Jetisý oblysynda prokýrorlar mektepterde tamaqtanýǵa negizsiz tólengen qarajatty anyqtady.

Prokýrorlar jergilikti mektepterde tamaqtaný úshin jetkizýshilerge jalpy kólemi 20 mıllıon teńgeden asatyn qarjyny negizsiz tóleý faktilerin anyqtaǵan.

«Kóksý aýdanynda 2023 jyldyń 13-15 jeltoqsany aralyǵynda aýa raıynyń qolaısyzdyǵyna baılanysty 1-4 synyp oqýshylary úshin sabaq toqtatylǵan bolatyn. Alaıda bilim berý mekemesi jetkizýshige kórsetilgen kúnderde usynylmaǵan tamaqtaný qyzmeti úshin 4 mıllıon teńgeden astam qarajat tólegen», — delingen prokýratýra habarlamasynda.

Uqsas zań buzýshylyqtar oblystaǵy barlyq mektepterde anyqtalǵan.

Osy anyqtalǵan buzýshylyqtar boıynsha zalaldy óteý týraly qadaǵalaý aktileri engizildi.