Jetisý oblysynda medıtsınalyq uıymdarǵa 29 jańa kólik berildi
ASTANA. KAZINFORM - Jetisý oblysynda medıtsınalyq uıymdarǵa 29 jańa kólik berildi, dep habarlaıdy QR DSM baspasóz qyzmeti.
Tozǵan sanıtarııalyq avtokólikti jańartý, onyń ishinde shalǵaıdaǵy aýyldardan shaqyrtýlarǵa qyzmet kórsetýdiń jedeldigi men sapasyn arttyrýǵa múmkindik beredi.
Avtokólikter barlyq Aqsý, Alakól, Eskeldi, Kerbulaq, Kóksý, Panfılov, Sarqan jáne Qaratal sııaqty segiz aýdandyq ortalyq aýrýhanalardyń arasynda bólingen. Sondaı-aq Taldyqorǵan qalalyq emhanasynyń, qalalyq kópbeıindi aýrýhananyń, oblystyq kópbeıindi klınıkanyń jáne ftızıopýlmonologııalyq ortalyqtyń avtoparkteri jańartyldy.
Kólik quraldary patsıentterdi tasymaldaýǵa arnalǵan quraldardy, ottegi ballondaryn, ınfýzııalyq terapııa apparattaryn jáne basqa da qajetti jabdyqtardy qosa alǵanda, shuǵyl medıtsınalyq kómekke arnalǵan zamanaýı jabdyqtarmen jabdyqtalǵan. Avtoparkty osylaı jańartý medıtsınalyq kómektiń kelý ýaqytyn qysqartyp qana qoımaı, onyń sapasyn arttyrady, bul ásirese tótenshe jaǵdaılarda mańyzdy.
Densaýlyq saqtaý mınıstrligi jergilikti atqarýshy organdarmen birlesip, turǵylyqty jerine qaramastan barlyq azamattar úshin teń múmkindikter jasaý jónindegi jumysty jalǵastyrady.
