Jetisý oblysynda qutqarýshylar taýda qalǵan eki jasóspirimdi evakýatsııalady

ASTANA. KAZINFORM — Jetisý oblysy Eskeldi aýdanyndaǵy «Býrhanbulaq» ýchaskesinde Tótenshe jaǵdaılar mınıstrliginiń jedel-qutqarý jasaǵy eki jasóspirimdi evakýatsııalady, dep habarlaıdy QR Tótenshe jaǵdaılar mınıstrliginiń baspasóz qyzmeti.

Vedomstvo málimetinshe, 2005 jáne 2007 jyly týǵan jasóspirimder mototsıklmen taýly aımaqqa shyǵyp, batpaqta qalyp qoıǵan. Olar ózdiginen tómen túse almaǵan.

Oqıǵa ornyna barǵan qutqarýshylar jasóspirimderdi teńiz deńgeıinen 1500 metr bıiktikten túsirip, qaýipsiz jerge jetkizdi. Medıtsınalyq kómek qajet bolǵan joq.