07:48, 18 Jeltoqsan 2024 | GMT +5
Jetisý oblysynda qutqarýshylar aıazdy kúnde dalada turyp qalǵan 26 kólikti shyǵardy
ASTANA. KAZINFORM - Alakól aýdanynda Úsharal-Dostyq avtojolynyń Yrǵaıty men Jalańashkól ýchaskeleriniń aralyǵynda kún buzylýy men qalyń qar saldarynan 26 júk kóligi jolda qalyp qoıdy, dep habarlady QR Tótenshe jaǵdaılar mınıstrliginiń baspasóz qyzmeti.
Qutqarýshylar jol talǵamaıtyn Trekol jáne Vaztovka avtokóligimen Kóktýma aýylyna 26 júrgizýshini jetkizdi. Olar medıtsınalyq kómekke muqtaj bolǵan joq.
«TJM qys mezgilinde qaýipsizdik erejelerin saqtaý qajettiligi týraly eskertedi, daýyldy eskertýlerge nazar aýdaryńyz jáne aýa-raıy nasharlaǵan jaǵdaıda úıde bolyńyz!»,-delingen habarlamada.
Osyǵan deıin TJM qutqarýshylary Mańǵystaý oblysynda 29 júk kóligin qar qursaýynan alyp shyqqanyn habarlaǵanbyz.