Jetisý oblysynda kóshi-qon zańyn buzý faktileri jıilegen
TALDYQORǴAN. KAZINFORM - Ótken jyly Jetisý oblysynda sheteldikterge qatysty 3 qylmystyq is tirkeldi. 2 jaǵdaı memlekettik shekarany ruqsatsyz qasaqana kesip ótý, 1 jaǵdaı zańsyz kóshi-qondy uıymdastyrýǵa qatysty.
Oblystyq polıtsııa departamenti kóshi-qon qyzmeti basqarmasynyń habarlaýynsha, óńirde kóshi-qon zańyn buzý faktileri jıilegen. Byltyr zańdy buzǵan 6282 azamat ákimshilik jaýapkershilikke tartylǵan. Onyń 2594-i sheteldik. Arasynda tirkeýsiz jáne jeke basty kýálandyratyn qujatsyz júrgender, tyıym salynǵan oryndarǵa barǵandar bar. Jetisý oblystyq polıtsııa departamenti kóshi-qon qyzmeti basqarmasynyń mamandary quqyq buzýshylyq jasaǵan 148 sheteldiktiń elden shyǵarylǵanyn málimdedi.
- 2024 jyldyń 12 aıynda Jetisý oblysynyń aýmaǵyna «eQonaq» aqparattyq júıesi arqyly 27 815 sheteldik tirkeldi. Qazaqstan Respýblıkasynyń Kóshi – qon zańnamasyn buzǵany úshin jalpy somasy 36 396 660 teńgege aıyppul salynyp, 100% óndirildi,- dedi oblystyq polıtsııa departamenti kóshi-qon qyzmeti basqarmasynyń bastyǵy Erlan Raıymbekov.
Jalpy, óńirde 26 kásiporyn men birneshe kompanııada 200-den asa shetel azamaty jumys isteıdi.
Eske salaıyq osyǵan deıin Jetisýda sheteldikter uıymdastyrǵan esirtki zerthanasynyń joıylǵanyn jazǵanbyz.