Jetisý oblysynda Qorǵasqa baratyn tasjolda kólik qozǵalysy ashyldy
ASTANA. KAZINFORM — Jetisý oblysynda respýblıkalyq mańyzy bar «Kóktalǵa kireberis — Jarkent — Qorǵas» avtojolynyń Úsharal jáne Dıhanqaırat aýyldary arasyndaǵy ýchaskesinde kóliktiń barlyq túri úshin qozǵalys qaıta jandandy.
Bul týraly «QazAvtoJol» ulttyq kompanııasynyń baspasóz qyzmeti habarlady.
— 2026 jylǵy 1 tamyz saǵat 23:00–de respýblıkalyq mańyzy bar KZ 05-02 «Kóktal — Jarkent — Qorǵas» avtojolyna kireberis avtomobıl jolynyń 313–319 shaqyrym aralyǵyndaǵy ýchaskesinde (Úsharal aýyly — Dıqanqaırat aýylynyń túıisýi) kóliktiń barlyq túrleri úshin qozǵalys ashyldy, — delingen habarlamada.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Eske salaıyq, buǵan deıin Almaty oblysyndaǵy respýblıkalyq joldyń bir bóliginde 1 aıǵa qozǵalys shektelgenin habarlaǵanbyz.
