Jetisý oblysynda kópbalaly ana ózine qol jumsady

Asa iri kólemde dári qabyldaǵan Aqsý aýdanynyń turǵyny aýrýhana tóseginde qaıtys boldy. Jergilikti polıtsııa «ózin óltirýge ıtermeleý» baby boıynsha is qozǵady, dep habarlaıdy Kazinform.

Qaıǵyly oqıǵa ótken jyldyń 28 jeltoqsanynda Jansúgirov aýylynda bolǵan.

Kýágerlerdiń aıtýynsha, ózine qol jumsaǵan 35 jastaǵy kópbalaly ana Baljan Ózbekova — óńirdegi belsendi turǵyndardyń biri.

Sol kúni aýdan ákiminiń qabyldaýynda bolǵan ol qurbysynyń úıine kelip, ózine qol jumsaıtynyn, 10 qorap aspırın ishkenin aıtady.

Qurbysy dereý aýdandyq aýrýhanaǵa jetkizip, dárigerlerge bolǵan jaıdy eskertken.

Aýdan dárigerleri kópbalaly anany jansaqtaý bólimine jatqyzyp, qajetti em-dom jasaǵanymen, kelesi kúni naýqas qaıtys bolǵan.

— Qazir tergeý amaldary júrip jatyr. Oqıǵa boıynsha Qylmystyq kodekstiń 105-baby boıynsha qylmystyq is qozǵalǵan. Birqatar saraptamalar taǵaıyndaldy, — dep habarlady Jetisý oblystyq polıtsııa departamentiniń baspasóz qyzmeti. 

Marqumnyń artynda tórt balasy qaldy.