Jetisý oblysynda kómirge bólingen qarjyny jymqyrǵany úshin kásiporyn basshysy 7 jylǵa sottaldy

JETІSÝ.KAZINFORM — Jetisý oblysynda kásiporynnyń burynǵy dırektory memlekettik sýbsıdııalardy jymqyrǵany úshin sottaldy. Bul týraly jergilikti prokýratýranyń baspasóz qyzmeti málim etti. 

«Sot úkimimen «Alakóljylý» ShJQ MKK burynǵy dırektory 100 mln teńgeden astam bıýdjet qarajatyn jymqyrǵany úshin 7 jyl 6 aıǵa bas bostandyǵynan aıyryldy» - delingen habarlamada.

Prokýratýranyń málimetinshe, sotty bolǵan eks basshy kómirdi satyp alýǵa bólingen qarajatty ózge kommýnaldyq kásiporyn basshysymen birlesip, affılıırlengen kompanııa arqyly rásimdegen. 

Atalǵan fakt arnaıy prokýrorlardyń tekserisi nátıjesinde anyqtalyp, tergep-tekserildi.

Úkim áli zańdy kúshine engen joq.