Jetisý oblysynda kómir tapshylyǵy joq

TALDYQORǴAN. KAZINFORM – Aldyn ala boljam boıynsha bıyl Jetisý halqy 428 myń tonnadan asa kómir tutynady. Sheneýnikter «halyq burynǵydaı tabanynan taýsylyp qatty otyn izdep sandalmaıdy» dep sendirip otyr. Aıtýlarynsha, óńirge táýligine orta eseppen 25 vagon (1 725 tonna) qatty otyn jetkizilýde. 

Oblys aýmaǵynda 35 kómir tuıyǵy men 5 qoıma bar. 22 qyrkúıek kúngi málimet boıynsha, 23 myń tonnaǵa jýyq kómir saqtaýly. Qatty otyn «Qarajyra», «Shubarkól» ken oryndarynan jetkizilip jatyr. 

Sala mamandarynyń málimetinshe, kómirdiń tonnasy – 18 600-20 500 teńgeniń aralyǵynda. Bul – kómir tuıyqtary men qoımalardaǵy baǵa. Shalǵaıdaǵy eldimekenderge jetkenshe qatty otyn quny budan 2-3 ese ósetinini belgili. Ár aýdanda baǵa ártúrli.

Oblystyq energetıka jáne turǵyn úı-kommýnaldyq sharýashylyǵy basqarmasynyń aqparatyna súıensek, Aqsý, Sarqan aýdandarynda kómirdiń bir tonnasy – 25 000-28 000 teńgeden. Sebebi, atalmysh aýdandarda temirjol qatynasy joq.

Eske salaıyq osyǵan deıin Tekeli qalasynyń tabıǵı gazǵa qosylǵanyn jazǵan edik.