Jetisý oblysynda kólikpen adam qaǵyp óltirgen kináli júrgizýshi ustaldy
ASTANA. KAZINFORM — Oqıǵa aǵymdaǵy jyldyń 10 qańtarynda tańǵy ýaqytta Eskeldi aýdanynda oryn bolǵan. Bul týraly Polisia.kz jazdy.
— Belgisiz kólik júrgizýshisi Qarabulaq aýylyndaǵy Eskeldi bı kóshesinde kele jatyp, joldyń jıegindegi jaıaý júrginshilerdi qaǵyp, oqıǵa ornynan qashyp ketken. Jaıaý júrginshilerdiń biri alǵan jaraqattarynan oqıǵa ornynda qaza tapty, — delingen habarlamada.
Polıtsııa qyzmetkerleri oqıǵa týraly habar alǵan boıda izdeý jumystaryn bastap, jedel áreket etý nátıjesinde «Toıota» markaly avtokóliginiń júrgizýshisin ustady. Ol 37 jastaǵy jergilikti turǵyn bolyp shyqty.
Júrgizýshi ustalyp, qamaýǵa alyndy. Oqıǵanyń barlyq mán-jaıy anyqtalýda, sotqa deıingi tergeý bastaldy.
Eske sala keteıik, buǵan deıin Pavlodar oblysynda jol apatynan 3 adam mert bolǵanyn jazǵan bolatynbyz.