Jetisý oblysynda kólik qozǵalysyna shekteý qoıyldy

ASTANA. KAZINFORM — Jetisý óńirinde aýa raıynyń qolaısyzdyǵyna baılanysty Kóktuma aýylynan Dostyq stantsııasyna deıin jol jabyldy, dep habarlaıdy «QazAvtoJol» UK baspasóz qyzmeti.

— 2025 jylǵy 25 jeltoqsan saǵat 14:00–de aýa raıynyń nasharlaýyna baılanysty respýblıkalyq mańyzy bar «Úsharal — Dostyq» avtojolynyń 84-164 shaqyrym aralyǵynda (Kóktuma aýyly — Dostyq stantsııasy) kóliktiń barlyq túrleriniń qozǵalysyna shekteý engizildi. 1403 baılanys ortalyǵyna habarlasyp, táýlik boıy qosymsha aqparat alýǵa bolady, — delingen habarlamada.

Budan buryn búgin Qazaqstannyń 15 oblysynda aýa raıyna baılanysty eskertý jarııalanǵanyn jazǵanbyz.