Jetisý oblysynda kólik qozǵalysyna shekteý qoıyldy

ASTANA. KAZINFORM — Jetisý oblysynda kún raıynyń nasharlaýyna baılanysty Kóktuma aýylynan Dostyq stantsııasyna deıin jol jabyldy, dep habarlaıdy «QazAvtoJol» UK baspasóz qyzmeti.

— 2026 jylǵy 25 qańtar saǵat 02:00–de aýa raıynyń nasharlaýyna baılanysty respýblıkalyq mańyzy bar «Úsharal — Dostyq» avtojolynyń 84-164 shaqyrym aralyǵynda (Kóktuma aýylynan Dostyq stantsııasyna deıin) kóliktiń barlyq túriniń qozǵalysyna shekteý engiziledi, — delingen habarlamada.

Joldy 2026 jylǵy 26 qańtar saǵat 10:00–de ashý josparlanǵan. 1403 baılanys ortalyǵyna habarlasyp, táýlik boıy qosymsha aqparat alýǵa bolady.  

Budan buryn Qazaqstannyń birqatar óńirinde boran men jelge baılanysty eskertý jarııalanǵanyn jazdyq.