Jetisý oblysynda kólik apatynan 9 adam zardap shekti
Jetisý oblysynda júk kóligi men «Audi-100» jeńil mashınasy soǵylyp, 9 adam zardap shekti. Onyń tórteýi bala, dep habarlaıdy Kazinform.
Oblystyq polıtsııa departamentiniń málimetinshe, jol-kólik oqıǵasy 14 qazan kúni Balpyq bı — Mámbet tasjolynyń Eńbekshiqazaq aýylynyń mańynda bolǵan.
«Jol apatyna túsken toǵyz adam aýrýhanaǵa jetkizildi, medıtsınalyq tekserýden keıin eki kóliktiń de júrgizýshisi ambýlatorlyq emdeýge jiberildi. Qalǵan jeteýi dárigerlerdiń baqylaýynda. Olardyń arasynda 2011, 2018, 2019, 2021 jyly týǵan tórt bala bar», — dep habarlady Jetisý oblystyq polıtsııa departamentiniń baspasóz qyzmeti.
Atalǵan fakti boıynsha sotqa deıingi tergeý amaldary bastalyp, birqatar saraptama taǵaıyndaldy.
Eki kólik te arnaıy turaqqa qoıyldy.
Buǵan deıin Almaty — Óskemen tasjolynyń 524-shaqyrymynda Mercedes Benz 519 CDI kóliginiń 41 jastaǵy júrgizýshisi jolda otyrǵan 51 jastaǵy er adamdy qaǵyp ketkenin jazǵan bolatynbyz.
