Jetisý oblysynda kóktemgi sý tasqynyna daıyndyq júrip jatyr

TALDYQORǴAN. KAZINFORM – Taýdan aqqan qar sýy turǵyndarǵa qaýip tóndirmes úshin  Tótenshe jaǵdaılar departamentiniń qyzmetkerleri jergilikti ákimdikpen birge apattyń aldyn alýǵa kiristi.

«Qazir jergilikti atqarýshy organdarmen sý tasqyny qaýpi bar eki eldi mekende 1,2 shaqyrym sý burý arnasyna jóndeý jáne 4,6 shaqyrym ózen arnalaryna mehanıkalyq tazartý jumystary júrgizilip jatyr», - dep habarlady departamentten.

Sonymen birge sý tasqynyna qarsy 92 shaqyrym aryq jelileri, 66 shaqyrym kanaldar men 1 728 sý ótkizgish qubyrlar qar men muzdan tazartyldy. Sý basý qaýpi bar eldi mekenderden 17 myńnan astam tekshe metr qar shyǵaryldy.

Qazir sý tasqynyna qarsy 141 sý sorý motopompasy men 264 tehnıka daıyn tur.